बारामती नगरपरिषदेच्या निवडणुकीचा बिगुल वाजताच सर्वांच्या नजरा राष्ट्रवादी काँग्रेस पक्षाकडे लागल्या होत्या. अखेर सोमवारी (दि. १७) रात्री उशिरा पक्षाने नगराध्यक्षपदासह सर्व प्रभागांतील उमेदवारांची अधिकृत यादी जाहीर केली. नगराध्यक्षपदासाठी सचिन सदाशिव सातव यांच्या नावाची घोषणा करताच पक्षात उत्साहाचे वातावरण निर्माण झाले आहे.

अजित पवारांनी या यादीत अनुभवी नेत्यांवर विश्वास ठेवत तरुणांना संधी देत जुने-नवे यांचा योग्य समतोल साधण्याचा प्रयत्न केला आहे. आजतागायत बारामती नगरपरिषदेवर अजित पवारांचे वर्चस्व राहिले असून आगामी निवडणुकीसाठी त्यांनी घेतलेली धडाकेबाज तयारी स्पष्टपणे जाणवत आहे. प्रभागनिहाय आखलेली मांडणी, स्थानिक संतुलन आणि सामाजिक समीकरणांचा विचार यामुळे ही यादी विशेष ठरते आहे.

यादी जाहीर झाल्यानंतर शहरात राजकीय चर्चांना उधाण आले असून विविध प्रभागांमध्ये कार्यकर्त्यांची लगबग सुरू झाली आहे. सोशल मीडियावरसुद्धा उमेदवारांविषयी चर्चा रंगत असून समर्थकांकडून अभिनंदन संदेशांचा वर्षाव होत आहे.

राष्ट्रवादी काँग्रेस पक्षाकडून जाहीर प्रभागनिहाय उमेदवार

या घोषणेनंतर राष्ट्रवादी काँग्रेसची निवडणूक मोहीम वेग घेत असून शहरभर उमेदवारांच्या प्रचाराची चाहूल लागली आहे. येत्या काही दिवसांत पक्षस्तरावर सभा, भेटी आणि प्रभागनिहाय रणनीती आखण्याची तयारी सुरू होणार आहे. बारामतीची निवडणूक अधिक चुरशीची होण्याची दाट शक्यता आहे.