पक्षाच्या वरिष्ठांनी आदेश दिल्यास आपण आगामी जिल्हा परिषद, पंचायत समिती व नगरपरिषद निवडणुका स्वबळावर लढण्यासाठी पूर्णपणे तयार आहोत. त्यासाठी कार्यकर्त्यांनी आगामी निवडणुकांसाठी सज्ज राहण्याचे आवाहन भाजपाचे युवा नेते प्रविण माने यांनी केले.

इंदापूर तालुका भाजपाच्या वतीने मंगळवारी (दि.३०) राधिका मंगल कार्यालय येथे नुकताच कार्यकर्ता संवाद कार्यक्रम पार पडला. कार्यक्रमाच्या अध्यक्षस्थानी भाजप पुणे दक्षिणचे जिल्हाध्यक्ष शेखर वढणे होते. पंतप्रधान नरेंद्र मोदी यांनी जाहीर केलेल्या ‘नेक्स्ट जनरेशन जीएसटी सुधारणा’ या महत्त्वपूर्ण निर्णयाची माहिती जनतेपर्यंत पोहोचविण्यासाठी आयोजित या बैठकीत नागरिक व कार्यकर्त्यांचा उत्स्फूर्त सहभाग होता.

यावेळी नवे पदाधिकारी पक्षप्रवेश करून भाजपात सहभागी झाले. सोमनाथ शिंदे व गौतम कांबळे यांनी आपल्या सहकाऱ्यांसह पक्षप्रवेश करत पक्षाची ताकद वाढवली.

कार्यक्रमाला मयूरसिंह पाटील, माऊली चवरे, मारुती वणवे, सदानंद शिरदाळे, आकाश कांबळे, गजानन वाकसे, नानासाहेब शेंडे, प्रविणकुमार शहा, तानाजी थोरात, बाळासाहेब पानसरे, सचिन आरडे, माऊली वाघमोडे, तेजस देवकाते, राम आसबे, राजकुमार जठार, किरण गाणबोटे, संतोष चव्हाण, विजय घोगरे, अभिजीत घोगरे, अमोल मुळे, मयुर शिंदे, शितल साबळे, माधुरी भराटे, प्रमिला राखुंडे, सुजाता कुलकर्णी, योगिता यादव यांच्यासह तालुक्यातील अनेक पदाधिकारी व कार्यकर्ते उपस्थित होते.