इंदापूर विधानसभेच्या रिंगणात अपक्ष अर्ज सादर केल्यानंतर अवघ्या २ दिवसांतच प्रविण माने  तालुका दौऱ्यावर निघालेले आहेत. आजपासून (दि. २५) ते तालुक्यातील प्रत्येक गटातील प्रत्येक गावात जाणार आहेत. शुक्रवारी (दि.२५) व शनिवारी (दि.२६) माने हे कळस - वालचंदनगर गटातील गावांना भेटी देणार आहेत. 

 या गाव भेट दौऱ्यात ते गावोगावी जाऊन लोकांना भेटणार आहेत. या गाठी भेटीत ते लोकांना त्यांची भूमिका पटवून देऊन जनमताची मागणी करणार आहेत. 

विधानसभेच्या मतदानाला अवघे २५ दिवस बाकी असतानाच प्रविण मानेंनी नेमक्या २५ ऑक्टोबरपासूनच सुरुवात केल्याने व त्यांना मिळणारा वाढता जनाधार हा मानेंना 'लकी' ठरणार असल्याची चर्चा तालुक्यात सुरू आहे.