● इंदापूर : प्रतिनिधी
                अपघातग्रस्त दुचाकीवरून पडल्यामुळे बेशुद्ध पडलेल्या महिलेची तात्काळ दखल घेत पुणे जिल्हा परिषदेचे माजी आरोग्य व बांधकाम सभापती व सदस्य प्रवीण माने यांनी रुग्णवाहिकेची व्यवस्था करत त्यांच्या उपचाराची सोय केली.

                  इंदापूर तालुक्यातील भेटीगाठीनिमित्त इंदापूर-बेडशिंगे रस्त्याने जात असताना प्रवीण माने यांना रस्त्याच्या कडेला बघ्यांची गर्दी दिसली. प्रत्यक्ष पाहिल्यानंतर एक दुचाकी अपघातग्रस्त झाल्याचे व दुचाकीवरील महिला बाजूला पडल्याचे त्यांना दिसले. त्यानंतर घटनेचे गांभीर्य लक्षात घेत तात्काळ रुग्णवाहिका बोलावून घेत जखमी महिलेच्या उपचाराची तातडीने सोय केली. मिथुन काळे असे दुचाकीस्वाराचे नाव आहे. तो आपल्या आई, पत्नी व मुलासह दुचाकीने प्रवास करत असल्याची माहिती समजली.

सध्या पावसामुळे रस्ते ओले व निसरडे झालेले आहेत. अपघातांची शक्यता बळावली आहे. जीव हा मौल्यवान आहे. त्यामुळे सुरक्षिततेला प्राधान्य देऊन प्रवास करावा. जेवढी आसनक्षमता आहे, तेवढ्याच लोकांनी दुचाकी, चारचाकीवरून प्रवास करावा.

- प्रविण माने (मा. सदस्य, पुणे जि.प.)